Trotz Schneegschtöber und Näbel het sich am 1. Dezämber e grossi Gruppe Seniorinne und Seniore usem Bezirk Basel ufgmacht zum Hof Grosstanne bi Buebedorf zur alljöhrliche Adväntsfyr.
S Ziel vom Alass isch gsi „Gmeinschaft pfläge" – kei Problem! Scho bim Apero het me könne gseh und ghöre, dass das funktioniert. Überall sinn Gruppe gsässe oder gschtande, hänn sich begriesst, plauderet und glacht – d Schtimmig isch scho gli super gsi.
Wo s Aesse ko isch, hets gruehget – offesichtlich hets allne gschmeckt – aber scho bi Dessert und Kaffi het me sich wieder zu witere Bekannte oder zu Gschwüschterti wo me scho länger nümm gseh het, könne go unterhalte.
Drzwüsche het me paar Lieder gsunge, z.B. „Vo Schönebuech bis Ammel“ oder „Z Basel am mim Rhy“ oder au mit bsinnlige Tegscht: „Freuet euch in dem Herrn“ - „Chumm mir wei es Liecht azünte“.
Vo ganzem Härze und voller Dankbarkeit tönts zum Schluss: „Amazing Grace, how sweet the sound, that saved a wretch like me!"
Teilen
PDF-Version
Alle Berichte